03
INPAKTUA

EUSKAL HERRIAN EGINA?

LAGUN ASKOK GALDETZEN DIGUTE ZERGATIK EZ DITUGU GURE JANTZIAK HASIERATIK BUKERARAINO MAILA LOKALEAN EGITEN. ZERGATIK JANTZI BATZUK INDIAN EDO TXINAN DIRA EKOIZTUAK?

Eztabaida dezagun "lokal" eta "global" terminoen inguruan.

Gure marka musika-jaialdien testuinguruan sortu zen, kamiseta-marka gisa. Baina SKFK-Skunkfunken misioa beti izan da aldaketa bultzatzea eta denontzat eskuragarriak diren jantzi iraunkor eta berritzaileak sortzea.

1999an maila lokalean ekoizten genuen dena: ehunen ardura hartuta, kooperatibekin lan egitea lehenetsi genuen eta ekoizpena zuzenean gainbegiratzen genuen. Hots, lokalismoaren adierazpenik gorena; edo hori uste genuen behintzat.

Materialak jatorrian nola fabrikatzen ziren jakin genuen arte, ez ginen konturatu maila lokalean ekoizten genituen kamisetetarako ere kotoia inportatu egiten zela, eta baita ehun-zatiak eta tinduak ere.

EKOIZPEN-EKONOMIAN ELEMENTU GUZTIAK ELKARRI LOTUTA DAUDE. UTOPIKO SAMARRA DA JANTZIEN EKOIZPEN-PROZESUEN %100a MAILA LOKALEAN EGIN DAITEKEELA SINISTEA.

Orduan, zein da soluzio hoberena? Berez ez dago soluzio idealik, oinarrian hartu-eman eta erabaki politikoak baitaude.

Adibidez, jantzi bat Indian ekoizten dugu, Chetna nekazaritza-kooperatibarekin. Horrela, gizarte-eraldaketan eta nekazaritza birsortzailerako trantsizioan laguntzen dugu, baina ez dugu maila lokalean ekoizten. Esaterako, maila lokalean ekoiztutako artilezko jantzi bat. Horrela, lanpostuak sortzen ditugu Euskal Herrian, baina lehengaien trazabilitatea eta gardentasuna galtzen dugu eta, akaso, jantzia garestiegia izango da.

Gure ustez, estrategia globalak eta lokalak bat egin behar dute. Garrantzitsuena da zer-nolako inpaktua eragiten dugun. Inpaktua lokala izan daiteke, kultura eta komunitatea sendotzen ditugulako, edo globala, lurra birsortzen eta, behar handiena duten lekuetan, pobrezia murrizten laguntzen dugulako.

Gure misioa da moda iraunkorra pertsona guztien eskura jartzea. Eta, horretarako, garrantzitsua da produktu eskuragarriak sortzea.Gure misioa da moda iraunkorra pertsona guztien eskura jartzea. Eta, horretarako, garrantzitsua da produktu eskuragarriak sortzea.

BAINA, NORA DOA GURE JANTZIEN BALIO EKONOMIKOA?

Gehienbat, marka anitzeko dendei saltzen dizkiegu gure jantziak; beraz, inpaktu ekonomikoa nagusiki, maila lokalean, Europan, eragiten dugu. Izan ere, nahiz eta Indian ekoiztu, gure balio ekonomikoaren % 85etik gora Europan gelditzen da. Eta Europan, denden eta zergen bidez, lanpostuak eta balio lokala sortzen ditugu.

GURE AUKERA DA GURE BEZEROAK NATURAREKIN, ORO HAR, KONEKTATZEA BAITA GURE JANTZIAK EGITEN DIREN LEKU ETA KOMUNITATEEKIN ERE ETA HARREMANETAN JARTZEA.

Iraunkortasunaren eta zirkularitatearen muinean hartu-emana dago beti. Hori maila lokalean edo globalean gertatu daiteke, elkarlanean sortzen ditugun produktuen identitatearen bidez. Hausnarketa egitera gonbidatzen zaitugu: nork egin ditu nire jantziak? Non egin ditu? Zer-nolako inpaktua dute ekosistema bizietan?

Produktua nahien zerrendan gehitu da