Zure saskia
Ez dago produktu gehiago zure saskian
01
HELBURUA
GURE BIDAIA SKUNKFUNK - SKFK
BADAKIGU ORAINDIK EZ DUGULA GUZTIZ LORTU, BAINA EGUNERO IKASTEN ETA HOBETZEN JARRAITZEN DUGU, URRATS BAKOITZAREKIN GURE INGURUMEN- ETA GIZARTE-INPAKTUA MURRIZTEKO ASMOZ.
Aldaketa bultzatzeko, emaitzetan eta egitateetan oinarritutako ikuspegi bat dugu. SKFKek sinisten du marka iraunkorra izateko alderdi guztiak direla garrantzitsuak: gurekin lan egiten duten pertsonak, baina baita hornidura-katearen gardentasuna ere. Garrantzitsuena da egunero aurrerapauso txikiak egitea.
1999
1999 - KAIXO, SKUNKFUNK!
Gure marka 1990eko hamarkadaren amaieran sortu zen, musika-jaialdietan. Bidaiazaleak ginen, eta bidaietan ezagututakoa gure bildumetan islatu genuen. Streetwear marka urbano eta sortzailea.
2003
ERREALITATEAREKIN AURREZ AURRE
Txinako gure fabriketako bat bisitatu genuen lehen aldiz. Errealitateaz jabetu ginen eta erabaki genuen aldatu beharra zegoela. Iraunkortasunari eta gizarte-baldintzei lehentasuna ematea deliberatu genuen.
2009
DIAGNOSTIKO OSOA BEHAR GENUEN
Lehenbizi, gure inpaktuak aztertu genituen Textile Exchange erakundeko adituekin. Hala, 10 urterako plan bat prestatu genuen, gure inpaktuak banan-banan murrizteko, hornidura-kate osoan zehar. Eta, gero, lehengaiekin hasi ginen.
2010
AKABO ZUNTZ KONBENTZIONALAK
2010ean zuntz konbentzionalekin lan egiteari utzi genion eta inpaktu txikiko zuntzak sartu genituen bilduma guztietan.
2012
ENERGIA BERRIZTAGARRIEN ALDEKO APUSTUA
Frantzian eta Espainian ditugun bulego eta denden energia-errendimendua transformatu genuen.
2013
ZIURTAGIRIEN BERMEA
Espainian GOTS ziurtagiria eskuratu zuen lehen marka gara. GOTS (Global Organic Textile Standard) ziurtagiriak bermatzen du gure zuntzak ekologikoak direla, gure fabrikazio-prozesuak ez direla hain kutsagarriak eta gure lan-baldintzak nazioarteko arauekin bat datozela. Erakunde independente batek ikuskatzen ditu gure fabrikak urtero.
2015
INDIAKO NEKAZARIEI LAGUNTZEN
Indiako erdialdeko lehorreko eskualdeetan kokatuta dagoen Chetna kooperatibarekin elkartzea erabaki genuen, ekoizle txikiei nekazaritza konbentzionala ekologikoarekin ordezkatzen laguntzeko. Bide nekeza da, nekazarien % 50k etsi egiten baitute. Kotoi-nekazariak behar bezala baloratu behar ditugu: ehungintzaren balio-katearen funtsezko atal bat dira.
2016
ZERO ZABOR EREDUKO LEHEN DISEINUA
Nola diseinatu daiteke zero zabor ereduari jarraituz? Guk 2016an egin genuen lehen aldiz, Zero Waste kapsula-bildumarekin. Zero Waste diseinu adimendunean oinarritzen da. Metodo horrekin, ez da zaborrik sortzen eta oihal-biribilki osoa erabiltzen da.
IRAUNKORTASUNA ETA DISEINUA UZTARTU DITUGU, MARKAREN BI EUSKARRI NAGUSIEN ELKARGUNEAN.
2017
ZIURTAGIRIEN ONURA
Espainian Fairtrade ziurtagiria eskuratu zuen lehen marka gara. Ziurtagiria Indiako Chetna Coalition-ekin egindako lanari esker lortu genuen. Fairtrade® sistemak bermatzen du gure kotoia ekoizten duten nekazariek soldata justua jasotzen dutela, eta dirulaguntzak ematen dizkie proiektu komunitarioak garatzeko.
2018
ZIENTZIAN OINARRITUTAKO HELBURUAK
Baina, zer esan nahi du horrek? Parisko Akordioaren ildoan gure karbono-emisioak murrizteko bidea da. SKFKrentzat hirugarrenek onartutako helburuak ezartzen ditugu. Orain, gure emisio zuzenak konpentsatzen ditugu eta karbono-neutraltasuna lortzeko lanean ari gara.
2019
KAIXO, SKFK
Guk eboluzionatu dugu, eta gure markak ere. Eboluzio hori agerian jartzeko, gure izena aldatu nahi izan dugu. Baina, funtsean, gauza bera gara: iraunkorra izan nahi duen eta estanpatu paregabeak dituen marka sortzaile bat.
2022
ESKARIPEKO KAPSULA
Eskaripeko gure lehen kapsula aurkeztu genuen. Beste arropa-enpresa guztiek bezala, aztarna bat uzten dugu gure Planetan, baina berrikuntzak egiten eta gure ingurumen-inpaktua murrizten ahalegintzen gara. Une honetan, gure lehentasuna da beharrezkoa bakarrik ekoiztea, izakinik sortu gabe.
2023
MERCEDES-BENZ FASHION WEEK IREKI GENUEN
Slow fashion eta moda egiteko beste modu batzuen aldeko mezu aktibista batekin egin genuen debuta MBFWMn.