03
INPAKTUA

ZER DA FAIRTRADE®?

FAIRTRADE® ZIURTAGIRIA DUEN PRODUKTU ORGANIKOAK EROSTEN DITUGUNEAN GIZARTE- ETA INGURUMEN-KONPROMISOARI EUSTEN DIOGU.

Denok probatu ditugu Fairtrade® kafea eta txokolatea, baina zer da Fairtrade® kotoia?

Kotoi-ekoizleen % 90 garapen-bidean dauden herrietan bizi dira, eta han lan-baldintza arriskutsu eta bidegabeak oso zabalduta daude. Fast fashion enpresa handien presioek eta dirulaguntzek kotoiaren kostu globala modu artifizialean jaitsi dute. Eta horrek nekazari txikiak kinka larrian jarri ditu.

Horregatik, gure helburua da nekazariei haien bizitza gobernatzeko eta nahi duten etorkizunean inbertitzeko aukera ematea. Zehazki, Fairtrade® ziurtagiriak nekazariei, erresilientzia propioa bermatzeko, osasuna eta ingurune naturala babesteko aukera ematen die.

Aukera bat da munduari begiak ixtea eta dena maila lokalean ekoiztea, Euskal Herrian, jatorri ezezaguneko kotoia inportatuta. Baina gure ikuspegia inklusiboa da; herri desberdinetan ekoizten dugu bertako indarguneak eta beharrak kontuan hartuta.

MODAREN INDUSTRIAN ERABILTZEN DEN KOTOIAREN % 1 BAINO EZ DA ORGANIKOA. POZTEN GARA EHUNEKO HORRETAN EGOTEAZ.

2016an Chetna kooperatibarekin bat egitera gonbidatu gintuztenean, pentsatu genuen hura aukera paregabea zela ekarpen egiaztagarri bat egiteko. Harrezkero, nekazari askori lagundu diegu kotoi-laborantza tradizionaletik organikora aldatzen

Chetna ekoizle txikien erakunde bat eta Indiako Telengana eta Odisha estatuetako kooperatiba independente bat da. Nekazariekin elkarlanean aritzen dira agrokimikoen erabilera gelditzeko edo murrizteko, eta konpostaje eta izurrite-kontrolerako teknika tradizionalak berreskuratzeko. Haien kotoi-soroak euri-uraz ureztatzen direnez, ur-aztarna txikiagoa dute. Eta genetikoki eraldatutako kotoi-haziak debekatuta daude.

FAIRTRADE® ZIURTAGIRIAK NEKAZARIEI NEKAZARITZA EKOLOGIKORA ALDATZEKO KONFIANTZA ETA BABESA ESKAINTZEN DIE.

Oro har, nekazariek hiru urte behar dituzte ziurtagiri ekologikoa eskuratzeko; eta, bitarte horretan, nekazariek jardunbide organikoetara jotzen dute lurzorua eta ekosistema orekatzeko.

BA AL DAKIZU KONTSUMITZAILE GISA ERALDATZEKO AHALMEN HANDIA DUGULA?

Gure dirua gastatzeko moduak ondorio ikaragarriak ditu maila lokalean, baina baita munduan ere, guk baino behar handiagoak dituzten herrietan.

AZKEN BATEAN, AHALDUNTZE-KONTUA DA. FAIRTRADE® NEKAZARI BATEK DIOEN BEZALA: "ZERBITZATZEN, LANGILEAK IZATEN IRAKATSI ZIGUTEN. ORAIN, FAIRTRADE®-REKIN, ENPRESARIAK GARA".

Eta hori guztiz bat dator gure markaren misioarekin: emakume independenteak inspiratzea eta ahalduntzea, etorkizun hobea eraikitzeko aldaketa-eragileak izan daitezen.

Produktua nahien zerrendan gehitu da