Zure saskia
Ez dago produktu gehiago zure saskian
02
ZIRKULARTASUNA
NOLA SORTZEN DIRA ZERO WASTE JANTZIAK?
ZERO WASTE JANTZIEK SORMEN-ERRONKA DAKARTZATE BEREKIN, BAINA BAITA INGURUMEN-KONPROMISOA ERE.
Iraunkortasuna eta diseinua uztartu ditugu, markaren bi euskarri nagusien elkargunean.
Zero waste teknikaren helburua da hondakinik ez sortzea. Normalean alferrik galduko litzatekeen ehuna diseinuan txertatzen da, eta horrek jantziaren balio estetiko eta funtzionala areagotzen du.
Zero waste teknika ez da gure garaiko berrikuntza bat. Historian zehar hondakinak murrizteko edo desagerrarazteko ahaleginak egin dira, ehuna alferrik ez galtzearren. Besteak beste, kimonoa, saria eta kitoia teknika horrekin egiten ziren ehuna aurrezteko.
Modaren testuinguruan, terminoa Timo Rissanen diseinatzaile aitzindariak sortu zuen, 2008 inguruan egindako doktore-tesian.
Zero waste jantzien helburu nagusia da oihalaren zabaleran patroia moztean ehuna alferrik ez galtzea. Horregatik, sortzen ditugun zero waste jantziak errektangularragoak eta geometrikoagoak dira.
Patroia ehunaren zabalera kontuan hartuta diseinatzen denez, neurri bakarreko jantziak dira, eta paregabeak, ehun bakoitzak zabalera desberdina duenez, patroia egokitu behar delako.
Guretzat oso garrantzitsua da horrelako jantziak ekoiztu ahal izatea, ahalik eta hondakin gutxien sortzeko. Eta erabat gardenak gara gure zero waste diseinuen; hortaz, diseinuaren patroia jantziaren etiketan inprimatuta aurkituko duzu.
